- 專輯介紹
- 歌詞
- 專輯列表
- 歌手介紹
蕭煌奇
-
最美的路
作詞:潘協慶 作曲:蕭煌奇 編曲:洪信傑
放未落 猶原對妳放未落 倘回頭 嘛找無那條路 那條二四小時攏有妳 手展開就是全世界的路
目一眨 開嘴只剩想當初 沿路走 一雙手遮無路 時間河 送妳給阮來渡 沒看妳幸福心怎放會落
就當作阮卡憨慢追妳未到 就當作少年嘸識薔花的寂寞 擱想要牽妳散步 讓妳依靠 做妳的烘爐
心痛有我來尬妳惜 我來弄妳笑 免擱走一個人的暗路 病痛有我尬妳照顧 事頭我來做 陪妳走完最後的路 最美的路
我愛妳 這句話若火燒坡 講不出 阮只有憨憨啊笑 想問妳 勘肯擱像當初 是不是妳碼對阮放未落
就當作阮卡憨慢追妳未到 就當作少年嘸識薔花的寂寞 擱想要牽妳散步 讓妳依靠 作陣白頭毛
心痛有我來尬妳惜 我來弄妳笑 免擱走一個人的暗路 病痛有我尬妳照顧 胸坎讓妳靠 手牽著走完這條路 最美的路
心痛有我來尬妳惜 我來弄妳笑 免擱走一個人的暗路 真心有我尬妳照顧 肩胛讓妳靠 陪妳走最後這條路 最美的路
------------------------------------------
《上媠的路》Siōng Suí ê Lōo 蕭煌奇Siau Hông-kî
放袂落 pàng buē lo̍h 猶原對你放袂落 iu-guân tuì lí pàng buē lo̍h 通越頭 thang ua̍t-thâu 嘛揣無彼條路 mā tshuē-bô hit tiâu lōo 彼條二四小時攏有你 hit tiâu jī-sì sió-sî lóng ū lí 手展開 tshiú thián--khui 就是全世界的路 tiō-sī tsuân sè-kài ê lōo
目一𥍉 ba̍k tsi̍t-nih 開喙只賰想當初 khui-tshuì tsí tshun siūnn-tong-tshoo 沿路行 iân-lōo kiânn 一雙手遮無路 tsi̍t-siang tshiú jia bô lōo 時間河 sî-kan hô 送你予阮來渡 sàng lí hōo gún lâi tōo 無看你幸福 bô khuànn lí hīng-hok 心怎放會落 sim tsuánn pàng ē lo̍h 更多更詳盡歌詞 在 ※ Mojim.com 魔鏡歌詞網
就當做阮較頇顢 tiō tòng-tsuè gún khah han-bān 逐你袂著 jiok lí buē tio̍h 就當做少年 tiō tòng-tsuè siàu-liân 毋捌薔花的寂寞 m̄-bat tshiûnn-hue ê tsi̍k-bo̍k 閣想欲牽你散步 koh siūnn-beh khan lí sàn-pōo 予你倚靠 hōo lí uá-khò 做你的烘爐 tsò lí ê hang-lôo
心疼有我來共你惜 sim thiànn ū guá lâi kā lí sioh 我來弄你笑 guá lâi lāng lí tshiò 免閣行一個人的暗路 bián koh kiânn tsi̍t-ê-lâng ê àm-lōo 病疼有我共你照顧 pīnn-thiànn ū guá kā lí tsiàu-kòo 穡頭我來做 sit-thâu guá lâi tsò 陪你行完最後的路 puê lí kiânn uân tsuè-āu ê lōo 上媠的路 siōng suí ê lōo
我愛你 guá ài lí 這句話若火燒埔 tsit kù uē ná hué-sio-poo 講袂出 kóng buē tshut 阮只有戇戇仔笑 gún tsí-ū gōng-gōng-á tshiò 想問你 siūnn mn̄g lí 敢肯閣像當初 kám khíng koh tshiūnn tong-tshoo 是毋是你嘛對阮放袂落 sī-m̄-sī lí mā tuì gún pàng buē lo̍h
就當做阮較頇顢 tiō tòng-tsuè gún khah han-bān 逐你袂著 jiok lí buē tio̍h 就當做少年 tiō tòng-tsuè siàu-liân 毋捌薔花的寂寞 m̄-bat tshiûnn-hue ê tsi̍k-bo̍k 閣想欲牽你散步 koh siūnn-beh khan lí sàn-pōo 予你倚靠 hōo lí uá-khò 做陣白頭毛 tsuè-tīn pe̍h thâu-moo
心疼有我來共你惜 sim thiànn ū guá lâi kā lí sioh 我來弄你笑 guá lâi lāng lí tshiò 免閣行一個人的暗路 bián koh kiânn tsi̍t-ê-lâng ê àm-lōo 病疼有我共你照顧 pīnn-thiànn ū guá kā lí tsiàu-kòo 胸坎予你靠 hing-khám hōo lí khò 手牽著行完這條路 tshiú khan tio̍h kiânn uân tsit tiâu lōo 上媠的路 siōng suí ê lōo
心疼有我來共你惜 sim thiànn ū guá lâi kā lí sioh 我來弄你笑 guá lâi lāng lí tshiò 免閣行一個人的暗路 bián koh kiânn tsi̍t-ê-lâng ê àm-lōo 真心有我共你照顧 tsin-sim ū guá kā lí tsiàu-kòo 肩胛予你靠 king-kah hōo lí khò 陪你行最後這條路 puê lí kiânn tsuè-āu tsit tiâu lōo 上媠的路 siōng suí ê lōo
- 感謝 W.B. Chen 修正歌詞
- 友站連結: W.B. Chen
|