- 專輯介紹
- 歌詞
- 專輯列表
- 歌手介紹
董事長樂團
-
迎神
作詞:吳永吉、武雄 作曲:吳永吉 編曲:董事長樂團
正月拜天公 二月請財神 三月迎媽祖 四月是清明
五月慶端陽 六月敬關公 神明有保庇 咱人民有信仰
七月做普渡 八月中秋暝 九月跳太子 十月大聖爺
十一月阿彌陀佛 十二月來送灶君 神明有保庇 風調雨嘛順
也著神 也著人 也著伸手摸良心 也著做 也著拚 也著靠咱的鄉親 也著趁 也著食 也著公媽來致蔭 也著你 也著我 也著逐家攏認真
認真為土地 認真為百姓 神明有保庇 保庇咱逐家
------------------------------------------
《迎神》Ngiâ-sîn 董事長樂團Táng-sū-tiúnn Ga̍k-thuân
正月拜天公 tsiann--gue̍h pài thinn-kong 二月請財神 jī--gue̍h tshiánn tsâi-sîn 三月迎媽祖 sann--gue̍h ngiâ Má-tsóo 四月是清明 sì--gue̍h sī tshing-bîng
五月慶端陽 gōo--gue̍h khìng tuan-iông 六月敬關公 la̍k--gue̍h kìng Kuan-kong 神明有保庇 sîn-bîng ū pó-pì 咱人民有信仰 lán jîn-bîn ū sìn-gióng
更多更詳盡歌詞 在 ※ Mojim.com 魔鏡歌詞網 七月做普渡 tshit--gue̍h tsò phóo-tōo 八月中秋暝 peh--gue̍h tiong-tshiu mî 九月跳太子 káu--gue̍h thiàu thài-tsú 十月大聖爺 tsa̍p--gue̍h Tāi-sìng-iâ
十一月阿彌陀佛 tsa̍p-it--gue̍h Oo-mí-tôo-hu̍t 十二月來送灶君 tsa̍p-jī--gue̍h lâi sàng tsàu-kun 神明有保庇 sîn-bîng ū pó-pì 風調雨嘛順 hong tiâu ú mā sūn
也著神 iā tio̍h sîn 也著人 iā tio̍h lâng 也著伸手摸良心 iā tio̍h tshun-tshiú bong liông-sim 也著做 iā tio̍h tsò 也著拚 iā tio̍h piànn 也著靠咱的鄉親 iā tio̍h khò lán ê hiong-tshin 也著趁 iā tio̍h thàn 也著食 iā tio̍h tsia̍h 也著公媽的致蔭 iā tio̍h kong-má ê tì-ìm 也著你 iā tio̍h lí 也著我 iā tio̍h guá 也著逐家攏認真 iā tio̍h ta̍k-ke lóng jīn-tsin
認真為土地 jīn-tsin uī thóo-tē 認真為百姓 jīn-tsin uī peh-sènn 神明有保庇 sîn-bîng ū pó-pì 保庇咱逐家 pó-pì lán ta̍k-ke
- 感謝 W.B. Chen 修正歌詞
- 友站連結: W.B. Chen
|